"Bolalar huquqlarini himoya qilish meni chuqur tashvishga soladigan mavzulardan"
Shahnoza Mirziyoyeva UNICEF vakili bilan uchrashuv o‘tkazdi.
Ijtimoiy himoya milliy agentligi direktori o‘rinbosari Shahnoza Mirziyoyeva UNICEF Bolalar jamg‘armasi vakili Jenevev Buten bilan uchrashuv o‘tkazdi.
Muloqotda taʼlim ehtiyojlari bo‘lgan bolalar va zo‘ravonlik qurbonlarini qo‘llab-quvvatlash, deinstitutsionalizatsiya, qo‘llab-quvvatlash xizmatlari va oilani mustahkamlash masalalarini muhokama qilingan."Bolalarning huquqlari va manfaatlarini himoya qilish mavzusi har qachongidan ham muhimroq va har doim meni chuqur tashvishga soladigan mavzulardan biri bo‘lib kelgan.
UNICEF, shuningdek, O‘zbekistonda professional ijtimoiy xizmatni tashkil etish bo‘yicha Agentligimizga hamrohlik qilmoqda. Ushbu sohada bir qator fundamental hujjatlar birgalikda ishlab chiqilmoqda. Yig‘ilishda bu masalalar ham muhokama qilindi. Natijada 2024–2025-yillarga mo‘ljallangan ulkan ish rejasi imzolandi, unda hamkorlikning barcha asosiy yo‘nalishlarini aks ettirdik. O‘zbekistonda aholini ijtimoiy muhofaza qilishni taʼminlash bo‘yicha olib borilayotgan siyosat, shuningdek, O‘zbekiston Respublikasi Prezidenti huzuridagi Ijtimoiy himoya agentligi bolalar va oilani qo‘llab-quvvatlash masalalariga qay darajada eʼtibor qaratayotgani yuksak baholanganini eshitish juda quvonarli bo‘ldi", deb yozadi Mirziyoyeva o‘zining Instagram sahifasida.
