Humo Davlat aktivlarini boshqarish agentligiga o‘tkazildi
To‘lov tizimi operatorlarining ustav fondi 2024-yilning 1-iyulidan 50 mlrd so‘m, to‘lov tashkilotiniki esa 10 mlrd so‘m bo‘lishi lozim.

2024-yilning 1-iyulidan to‘lov tizimi operatorlari va to‘lov tashkilotlari faoliyat yuritishi uchun aksiyadorlik jamiyati ko‘rinishida tashkil qilingan bo‘lishi kerak.
To‘lov tizimi operatorlarining ustav fondi 2024-yilning 1- iyulidan 50 mlrd so‘m, to‘lov tashkilotiniki esa 10 mlrd so‘m bo‘lishi lozim (2025-yil 1-iyulidan 20 mlrd).
Humo (Milliy banklararo protsessing markazi) ustav kapitalidagi davlat ulushi esa Davlat aktivlarini boshqarish agentligiga o‘tkaziladi.
Avvalroq, tijorat banklarining kapitallashuv darajasini oshirish va resurs bazasini ko‘paytirish maqsadida 2023- yil 1-sentyabrdan boshlab banklar ustav kapitalining eng kam miqdori 200 mlrd so‘mga oshirilgandi.
Shuningdek, eng quyi chegara 2024-yil 1-apreldan boshlab 350 mlrd so‘mga, 2025-yil 1-yanvardan esa 500 mlrd so‘mga ko‘tariladi.







