Seulda haydovchisiz avtobuslar harakatlana boshladi
Ushbu jamoat transporti yurish hozircha bepul.
Seulda shaharning aholi zich joylashgan hududlarini bog‘lovchi haydovchisiz avtobuslar qatnovi yo‘lga qo‘yildi.
Dushanbaga o‘tar kechasi ikkita avtobus Seulning eng gavjum tumanlaridan biri bo‘lgan Xonde va Dondemunni bog‘laydigan 20 bekat oralig‘ida yo‘lovchilarni tashishni boshladi.
Ular ish kunlarida soat 23:30 dan 5:10 gacha, har 70 daqiqada taxminan 10 kilometr masofani bosib o‘tadi.
Haydovchisiz avtobuslar oddiy avtobuslar bilan bir xil. Barcha yo‘lovchilar xavfsizlik kamarlarini taqishlari va transport vositasida turmasliklari kerak.
Birinchi kuni avtobusda ikki qo‘riqchi va haydovchi o‘tirgan, biroq hech kim transport vositasini boshqarmagan.
Jamoat transportida yo‘l haqi to‘lash kelasi yil boshidan boshlanadi.
Seul bunday yo‘nalishlar sonini ko‘paytirishni rejalashtirmoqda.
