TimeOut: Orol dengizi astroturizm uchun dunyodagi eng yaxshi joy
Buyuk Britaniyaning Time out sayti dunyoning turli burchaklarida sivilizatsiyadan yiroq tabiiy hududlardagi “Stargazing” — yulduzlarni kuzatish uchun top-10 turizm maskanlar ro‘yxatini eʼlon qildi.
Buyuk Britaniyaning Time out sayti dunyoning turli burchaklarida sivilizatsiyadan yiroq tabiiy hududlardagi “Stargazing” — yulduzlarni kuzatish uchun top-10 turizm maskanlar ro‘yxatini eʼlon qildi.
Maqolada AQSH, Chili, Yangi Zelandiya, Hindiston davlatlarining turistik obyektlari bilan bir qatorda Qoraqalpog‘istonning asosiy ekoturizm obyekti bo‘lmish Ustyurt tekisligi va Orol dengizi ham qayd etilgan.
Jumladan, dengizning qurib borishi va ekologik ofat oqibatlari bilan kurashishda ekoturizmning alohida o‘rni, bir necha yillardan beri xorijiy turistlarga xizmat ko‘rsatib kelayotgan “Besqala” turistik korxonasi hamda Orol dengizi bo‘yidagi o‘tovlar majmuasi haqida so‘z yuritilgan.
Maqola so‘ngida esa muallif o‘z auditoriyasiga Orolbo‘yi hududiga tur buyurtma qilib dengizni borish ko‘rish, o‘tovlar majmuasida bo‘lish va tungi vaqtlarda yulduzlarni kuzatishni taklif etadi.
Time out nashriyoti 1968-yili o‘z faoliyatini boshlagan bo‘lib, bugungi kunda Buyuk Britaniyaning global media mehmondo‘stlik brendi sifatida tanilgan nufuzli nashriyot hisoblanadi.
