“Liverpul” APLda peshqadamga aylandi
Klub oxirgi o‘yinda ajoyib g‘alabani qo‘lga kiritdi.
«Liverpul» "Kristal Pelas" bilan o‘yinda deyarli ochko yo‘qotishi aniq edi. Xarvi Elliot 91-daqiqada g‘alabani tortib oldi.
Londonliklar Yurgen Klopp jamoasini uzoq muddat davomida yopishga erishdi. «Liverpul» ilk bor 76-daqiqada hisobda tenglashtirishga muvaffaq bo‘ldi. Ikkinchi bo‘limda “Kristal Pelas” qoidabuzarlik sabab belgilangan penalti evaziga gol urgandi.
«Liverpul» gol o‘tkazib yuborganidan keyin ham mezbonlarga darrov qarshilik ko‘rsata olmadi. Umuman olganda, hujumlar ketma-ketligi yaxshi amalga oshirilmadi, ammo Jordan Ayyu maydondan chetlatilganidan so‘ng hammasi osonlashdi. U hujumchi Xarvi Elliottni maydonga yiqitdi va ikkinchi sariqni haqli ravishda qabul qilib oldi.
Ayyuning sovg‘asidan ikki daqiqa o‘tib, «Liverpul» Muhammad Salohning aniq zarbasi evaziga hisobni tenglashtirdi.
Uchrashuvning asosiy vaqtiga to‘liq 10 daqiqa qo‘shib berildi, ammo «Liverpul» 90+1 daqiqada hisobda oldinga chiqib olishga erishdi. Saloh o‘ng qanotda to‘pni olib, Elliottga uzatdi, u markazga o‘tib, yaqin burchakka zarba berdi va jamoasiga uch ochko taqdim etdi.
"Men o‘yindan so‘ng yigitlarga aytdimki, 76 daqiqa davomida biz kabi yomon o‘ynagan va oxirida g‘alaba qozongan jamoani birinchi marta ko‘rishim", - dedi Klopp g‘alabadan keyin.
Yurgen Klopp jamoasi aʼlo darajada o‘ynamoqda. Ilar Premyer-ligada ketma-ket to‘qqizta uchrashuvda mag‘lub bo‘lishmadi - 6 g‘alaba va 3 durang. «Liverpul» hamon APL peshqadamlari qatorida – “Arsenal”dan bir ochko oldinda. Mersisaydliklar bu mavsumda faqat bir bor «Tottenhem»dan mag‘lubiyatga uchradi.
