Poytaxtdan ayrim viloyatlarga qo‘shimcha poyezdlar qo‘yilmoqda
“O‘zbekiston temir yo‘llari” AJ talabalar uchun cherigmali chiptalar tugab qolgani haqidagi xabarlarni izohladi.
Avvalroq ijtimoiy tarmoqda talabalar uchun poyezd chiptalariga chegirma chiptalar sotib bo‘linganidan so‘ng eʼlon qilingani haqida xabarlar tarqaldi. “O‘ztemiryo‘lyo‘lovchi” AJ Matbuot xizmati holatga izoh berdi.
Qayd etilishicha, ASU ekspress tizimida yo‘lovchi poyezdlarga chiptalar 45 kun oldindan sotuvga chiqadi. Yangi yil bayrami oldidan yo‘lovchilar oqimi ortib, talabalar, Toshkent shahrida istiqomat qiluvchi fuqarolar o‘z manzillariga yetib borish va bayramni oila davrasida nishonlash uchun temir yo‘l transportidan foydalanadi.
Qayd etilishicha, hozirgi kunda "O‘zbekiston temir yo‘llari" AJ tomonidan yo‘lovchilarni bayram oldi kunlarda manzillariga xavfsiz yetkazish va ularga qulaylik yaratish maqsadida quyidagi yo‘nalishlarda qo‘shimcha poyezdlar qo‘yilishi rejalashtirilmoqda. Bular "Toshkent — Urganch", "Toshkent — Nukus", "Toshkent — Samarqand", "Toshkent — Qarshi" yo‘nalishida qo‘shimcha yo‘lovchi poyezdlar qatnovi joriy etiladi. Bu haqida qo‘shimcha maʼlumot beriladi. Shuni alohida taʼkidlash joizki, elektron tarzda 1 sutka mobaynida talabalar tomonidan 1000 ga yaqin chiptalar rasmiylashtirildi.
"Chegirmali chiptalarni talabalar hozir ham elektron tarzda xarid qilishlari mumkin. Qo‘shimcha yo‘lovchi poyezdlarga qo‘shimcha vagonlar ham ulanadi. Barcha tadbirlar "O‘zbekiston temir yo‘llari" AJ tomonidan bosqichma-bosqich amalga oshirilmoqda. Yo‘lovchilardan sarosimaga berilmaslikni so‘rab qolamiz", - deyiladi xabarda.
