Joriy yil oxirida rejadan ko‘p elektr energiyasi ishlab chiqarildi

2023 yilning yanvar-noyabr oylari yakuniga ko‘ra 48,9 mlrd.kVt.soat (reja 47,8 mlrd.kVt.soat) elektr energiyasi ishlab chiqarildi.

 

Bu haqda AOKAda "Issiqlik elektr stansiyalari" AJ rahbariyati ishtirokida o‘tkazilgan матбуот анжуманида xabar berildi:

 

Bu rejaga nisbatan 1,1 mlr.kVt.soatga ko‘p bo‘lib, qo‘yilgan vazifa 102,3 foizga bajarildi. 2023 yil yakuniga qadar rejaga asosan 53,8 mlrd.kVt.soat elektr energiyasi ishlab chiqarilishi ta’minlanadi.

 

Joriy yilda mavsumga tayyorgarlik ko‘rish rejasiga muvofiq jami 53 ta energoqurilmalarda, jumladan 12 ta energoblok, 31 ta qozon qurilmasi, 9 ta bug‘-gaz qurilmasi va 1 ta gaz-turbina qurilmasida mukammal va o‘rta ta’mirlash ishlari bajarildi.

 

Toshkent shahrining Oqtepa va Bog‘zor mahallalari hududida, elektr enektr energiyasi ishlab chiqarish quvvati 4,6 MVt, issiqlik energiyasi uzatish quvvati 25,4 Gkall bo‘lgan 2 ta gaz porshen qurilmalsi, 2 ta suv isitish qozonlari to‘liq issiqlik tizimi bilan alohida issitish punklari bilan jixozlangan holda o‘rnatildi. 

 

Buning natijasida issiqlik tarmoqlaridagi yuqotishlar 90,0 foizga kamaytirilishiga, qo‘shimcha yiliga 32,0 mln. kVt soat elektr energiyasi ishlab chiqarilishiga hamda 1,0 mln. metr kub tabiiy gaz tajalishiga erishiladi.

 

Bugungi kunga qadar 9,6 MVt quyosh panellari ishga tushirilishi natijasida 7,2 mln. kVt soat elektr energiyasi (36 mingta xonadonning o‘rtacha bir oylik iste’moli) va buning uchun sarflanadigan 2 mln. metr kub tabiiy gaz iqtisod qilindi.