O‘zbekiston Yangi yilda sayohat qilish uchun mashhur davlatlardan biriga aylandi
Yangi yil bayramlari uchun talab yuqori bo‘lgan davlatlar allaqachon aniqlangan.
O‘zbekiston Yangi yil bayramida sayyohat qilish uchun mashhur davlatlardan biriga aylandi. Bu haqda RIA Novosti Rossiya sayohat sanoati ittifoqiga tayanib xabar berdi.
Qayd etilishicha, bu yil Yangi yil sayohatlari sotuvi avvalgiga qaraganda faolroq. Sayyohlar anʼanaviy ravishda sayohat narxi va to‘g‘ridan-to‘g‘ri reyslar mavjudligiga eʼtibor berishadi.
BSI Group kompaniyasi vakilining so‘zlariga ko‘ra, Yangi yil bayramlari uchun talab yuqori bo‘lgan davlatlar allaqachon aniqlangan.
“Biz Rossiya bo‘ylab va 11 ta xorijiy mamlakatlarga safarlarni taklif etamiz. O‘zbekiston va Armaniston birinchi o‘rinni egalladi. Ularning asosiy afzalliklari - to‘g‘ridan-to‘g‘ri reyslar, o‘rtacha xarajatlar va arzon ichki narxlar. Bundan tashqari, albatta, mehmondo‘stlik va gastronomiya. Shu bilan birga, yangi yildagi turlar narxlarining oshishi minimal, boshqa sanalarga nisbatan 10 foizdan oshmaydi”, — deya tushuntirdi mutaxassis.
Ikkinchi o‘rinda Yevropa davlatlari va Yaponiya.
