O‘zbekiston Afg‘onistonga elektr yetkazib berish muddatini uzaytirdi
Ushbu masala ikki davlat vakillari o‘rtasida muhokama qilingan.
O‘zbekiston va Afg‘oniston elektr energiyasi yetkazib berish bo‘yicha kelishuvni 2024-yilgacha uzaytirdi.
14-dekabr kuni “Milliy elektr tarmoqlari” va Afg‘oniston energetika kompaniyasi vakillari O‘zbekistondan Afg‘onistonga elektr energiyasi yetkazib berish masalasini muhokama qilgan.
“DABS” prezidenti elektr energiyasi tariflarini pasaytirish, kompaniya xodimlarining viza muammolarini hal qilish va Surxon — Puli-Xumri elektr uzatish liniyasini qurish loyihasini qayd etgan.
Afg‘oniston tomoni energetika vaziri Jo‘rabek Mirzamahmudovdan mamlakatda aholi xonadonlari, tadbirkorlar va davlat muassasalari elektr energiyasi taqchilligiga duch kelayotgani sababli energetika sohasidagi infratuzilma muammolarini hal etish va elektr energiyasi yetkazib berish hajmini oshirishni so‘ragan.
Mirzamahmudov O‘zbekistonda energiya taʼminotida texnik muammolar mavjudligini taʼkidlagan. Shu bilan birga, vazir uchta energetika obyekti taʼmirlangach, elektr energiyasi taʼminoti tiklanishini qayd etgan.
Vazirning so‘zlariga ko‘ra, mamlakat elektr energiyasini Turkmaniston, Tojikiston va Qirg‘izistondan yuqori narxda sotib oladi, elektr energiyasi esa gaz va neft orqali ishlab chiqariladi, bu tannarxni oshiradi.
Energetika vazirligi rahbari Afg‘onistondan ko‘mir va neft sotib olishga ham tayyorligini bildirgan.
