Malika Diananing ko‘ylagi kim oshdi savdosida million dollardan ko‘proqqa sotildi
Bu asl bahosidan 11 barobar ko‘p.
Malika Diananing qora ko‘ylagi Gollivuddagi Julien‘s Auctionsda 1,148 million dollarga sotildi, bu asl bahosidan 11 barobar ko‘p.
Yulduz naqshli baxmal kechki ko‘ylak marhum Uels malikasi tomonidan sotilgan eng qimmat libosga aylandi.
Auksion tashkilotchilari dastlab libosni 100 ming dollarga baholagan.
Diana uni birinchi marta 1985 yilda Florensiyada kechki ovqatga kiygan. O‘shanda u eri Uels shahzodasi Charlz (hozirgi Angliya qiroli Karl III) bilan qirollik safarida bo‘lgan.
1986 yilda bu libos yana omma oldida paydo bo‘ldi — Diana unda Vankuver simfonik orkestri spektaklida paydo bo‘ldi.
Kolleksiya namunasi jahonga mashhur to‘qimachilik savdogar Jeykob Shlapfer tomonidan tanlangan matodan tayyorlangan va Jacques Azagury («Jak Azaguri») kashta qilgan metall yulduzlar bilan bezatilgan.
Marokashlik modeler Jak Azaguri Diananing sevimli dizaynerlaridan biri bo‘lib, unga bir nechta liboslar tikib bergan.
