ChatGPT tibbiy va yuridik maslahat berishni to‘xtatadi
OpenAI chat-botdan foydalanish qoidalarini yangiladi.
Endi ChatGPT orqali individual tibbiy yoki yuridik maslahatlar olishga yo‘l qo‘yilmaydi, bunday masalalar litsenziyaga ega mutaxassis ishtirokida hal qilinishi lozim.
Kompaniya bayonotida aytilishicha, inson salomatligi va huquqiy xavfsizligiga daxl qiladigan masalalarda asossiz tavsiyalar jiddiy oqibatlarga olib kelishi mumkin. Shu bois, AI faqat umumiy xarakterdagi maʼlumotlar bilan cheklanadi.
Shu tartibga ko‘ra, xizmatdan foydalanish quyidagi sohalarda cheklanadi:
— taʼlim va uy-joy bo‘yicha individual yuritma berishda;
— sug‘urta, immigratsiya va davlat xizmatlari bilan bog‘liq xususiy qarorlarda;
— shaxsiy tuzilishga oid moliyaviy yoki huquqiy tavsiyalarda.
Shuningdek, ChatGPT‘dan o‘z joniga qasd qilishga chorlash, tahdid va taʼqib, ovqatlanish buzilishiga undash, ekstremizm va jinsiy zo‘ravonlikni targ‘ib qilish uchun foydalanish qatʼiy taqiqlanadi. Qimor o‘yinlari va odam sүrʼatlarini roziligisiz tarqatish ham man etilgan.
OpenAI taʼkidlashicha, agar foydalanuvchi ushbu qoidalarga rioya etmasa, xizmatdan foydalanish cheklanishi yoki to‘liq bloklanishi mumkin.
