Toshkentda ayol 5 kunlik chaqalog‘ini pullamoqchi bo‘ldi
Sud unga nisbatan 4 yil qamoq jazosi tayinlagan.
Toshkentda 5 kunlik chaqalog‘ini 9 ming dollarga sotmoqchi bo‘lgan ona va unga hamrohlik qilgan ayol 4 yilga qamaldi. Bu haqda o‘z manbalariga tayanib, “Bugun.uz” nashri xabar berdi.
Ayol bolani katta qilishga imkoniyati bo‘lmasligini hamda erining bola bilan umuman ishi yo‘qligi aytib, tanishiga bolani sotishini maʼlum qilgan. M.M. onasi bilan birga chaqaloqni sotib oladigan “kliyent” topgan.
Shu yilning 31 iyul kuni ayol va unga sheriklik qilgan M.M. Chilonzor metro bekati yaqinida chaqaloqni sotayotgan vaqtda qo‘lga olinadi.
Sud ayollarni odam savdosi bilan shug‘ullanganlikda aybli deb topib, ularga nisbatan 4 yil muddatga ozodlikdan mahrum qilish jazosini tayinlagan. Chaqaloq esa bolalar uyiga topshirilgan.
