2023-yilda O‘zbekiston “MHT – 2008” xalqaro standarti talablariga o‘tdi
O‘zbekistonda “MHT – 2008” xalqaro standarti talablari asosida yalpi ichki mahsulot (YAIM) hisob-kitoblarini davlat moliyasi statistikasi va to‘lov balansi maʼlumotlariga muvofiq ravishda amalga oshirish va Statistika agentligining rasmiy veb-saytida eʼlon qilib borish yo‘lga qo‘yildi.
O‘zbekistonda “MHT – 2008” xalqaro standarti talablari asosida yalpi ichki mahsulot (YAIM) hisob-kitoblarini davlat moliyasi statistikasi va to‘lov balansi maʼlumotlariga muvofiq ravishda amalga oshirish va Statistika agentligining rasmiy veb-saytida eʼlon qilib borish yo‘lga qo‘yildi.
YAIMni diskret choraklar asosida hisoblash tajribasini joriy etish orqali choraklik milliy hisoblar takomillashtirildi.
Korxonalar xarajatlari tarkibini kuzatish natijalari asosida xarajatlar ishlab chiqarish koeffitsiyentlarini yangilash yo‘li bilan “Resurslar va ishlatilish” jadvallarini tuzish tajribasi takomillashtirildi.
Statistik ko‘rsatkichlar hisob-kitoblariga xalqaro tasniflagichlar joriy etildi. YAIMni yakuniy isteʼmol usulida hisoblashda davlat boshqaruvi organlarining yakuniy isteʼmol xarajatlari “Davlat boshqaruvi organlari funksiyalarining tasnifi” bo‘yicha shakllantirildi.
Yakuniy isteʼmol usulida hisoblanadigan YAIM tarkibida uy xo‘jaliklarining yakuniy isteʼmol xarajatlari ko‘rsatkichi “Maqsadlar bo‘yicha individual isteʼmol tasnifi” asosida shakllantirildi.
Kapital bilan operatsiyalar hisobi “Asosiy fondlar tasniflagichi”ni joriy qilish orqali takomillashtirildi. Aktivlarning turlari bo‘yicha tasniflash yo‘lga qo‘yildi.
Uy-joy egalari tomonidan o‘z isteʼmoli uchun ishlab chiqarilgan yashash xizmatlarini baholash “MHT-2008” xalqaro standarti talablariga moslashtirildi.
Mazkur jarayonlarning yakuniy bosqichi sifatida moliyaviy vositachilik xizmatlari hisob-kitoblari “MHT-2008” xalqaro uslubiyoti talablariga muvofiqlashtirildi.
