Daniya qirolichasi taxtdan voz kechdi
U hukmronlikni o‘g‘liga topshirmoqda.

Daniya qirolichasi Margrete II taxtdan voz kechdi. U bu haqda Yangi yil tabrigi vaqtida eʼlon qildi.
Margrete II 2024 yil 14 yanvarda taxtdan rasman ketadi. 83 yoshli qirolicha taxtni o‘z o‘g‘li valiahd shahzoda Frederikga o‘tkazadi.
Maʼlumot uchun, Qirolicha Margrete II 1972 yil 14 yanvarda otasi qirol Frederik IX vafotidan so‘ng taxtga o‘tirgandi. Toj kiyish paytida u 31 yoshda bo‘lgan. Margrete II ayni paytda hayot bo‘lgan yevropalik monarxlar ichida eng uzoq – 50 yildan ortiq hukmronlik qilgan qirolicha hisoblanadi.







