Toshkent viloyatida go‘shtlar ichidan gilzalar chiqdi
Hozirda holat yuzasidan tergovga qadar tekshiruv boshlangan.

Toshkent viloyatida go‘shtlar ichiga yashirilgan 350 dona gilza aniqlandi.
“Yallama-terminal” bojxona punktiga kirib kelgan fuqaro boshqaruvidagi «Gazel» rusumli avtotransport vositasidagi kuryerlik jo‘natmalar bojxona nazoratidan o‘tkazilgan.
Bojxona ko‘rigi natijasida avtotransport vositasiga yuklangan tovarlar orasida go‘sht mahsulotlar ichiga xufiyona yashirilgan jami 14 qutida 350 dona ov quroli uchun gilzalar borligi aniqlangan.
Hozirda ushbu holat yuzasidan tergovga qadar tekshiruv harakatlari olib borilmoqda.







