Sergelining sobiq sudyasiga jinoiy ish ochildi
Hozirda u DXX tomonidan tergov qilinmoqda.
2023 yilning 5 dekabr kuniga qadar jinoyat ishlari bo‘yicha Sergeli tuman sudi lavozimida ishlagan shaxs ushbu lavozimda bo‘lishi davrida, o‘z ish yurituvida bo‘lgan qurilish firmasi rahbari va boshqalarni Jinoyat Kodeksining 168-moddasi 4-qismi “a” bandi bilan ayblashga oid jinoyat ishini ko‘rib chiqishi jarayonida hokimiyat harakatsizligi, dalillarni soxtalashtirish, adolatsiz hukm chiqarish hamda tovlamachilik kabi jinoyatlarini sodir etgan.
Mazkur holat yuzasidan to‘plangan materiallar asosida, O‘zbekiston Respublikasi Bosh prokuraturasi tomonidan JIB Sergeli tuman sudining sobiq sudyasiga nisbatan Jinoyat Kodeksining 165, 208, 230-1 va 231-moddalari bilan jinoyat ishi qo‘zg‘atilgan.
Hozirda mazkur jinoyat ishi bo‘yicha dastlabki tergov harakatlari DXX Tergov boshqarmasi tomonidan olib borilmoqda.
