O‘zbekistonda 9 yil qidiruvda bo‘lgan shaxs ushlandi
U “Jihodchilar” oqimi aʼzosi bo‘lgan.
O‘zbekistonda to‘qqiz yildan buyon qidiruvda bo‘lgan “Jihodchilar” oqimi aʼzosi 6,5 yilga qamaldi.
2023 yil mart oyida Turkiya politsiyasi tomonidan diniy oqim aʼzosi qo‘lga olinib, O‘zbekistonga ekstraditsiya qilindi. Sud hukmi bilan A.Abdurahmonovga 6 yilu 6 oyga ozodlikdan mahrum qilish jazosi tayinlandi.
Abduhodiy Abdurahmonov 2010-2012 yillarda Rossiyada ishlab yurgan vaqtda mazkur diniy oqim taʼsiriga tushib, uning aʼzosi bo‘lgan. Farg‘ona shahrida akasi va bir qator shaxslardan iborat oqimning “jamoati”ni tashkil qilgan. Uning yig‘ilishlarida faol ishtirok etib kelgan. Yig‘ilishlarda “Jihodchilar” diniy-ekstremistik oqimi tarafdorlari hamda boshqa diniy ekstremizm va aqidaparastlik g‘oyalari bilan yo‘g‘rilgan maʼruzalar, video va roliklar muhokama qilingan.
