Xitoyda kondagi avariya oqibatida sakkiz kishi halok bo‘ldi
Voqea sodir bo‘lgan paytda 425 nafar konchi yer ostida bo‘lgan.
Xitoyning markaziy qismidagi Pindinshan shahrida (Xenan provinsiyasi) ko‘mir konida yuz bergan avariya natijasida sakkiz kishi bedarak yo‘qolgan deb hisoblanmoqda.
Shahar favqulodda vaziyatlar boshqarmasining so‘nggi maʼlumotlariga ko‘ra, konda qolgan 45 kishidan 8 nafari halok bo‘lgan, yana 8 nafari bedarak yo‘qolgan. Boshqa barcha odamlar qutqarildi.
Voqea sodir bo‘lgan paytda 425 nafar konchi yer ostida bo‘lgan. Qutqaruv ishlari davom etmoqda. Kon boshqarmasining masʼul xodimlari politsiya tomonidan qo‘lga olindi, tergov harakatlari olib borilmoqda, deb yozadi Sinxua.
Favqulodda hodisa juma kuni mahalliy vaqt bilan soat 14:55 da sodir bo‘lgan. Dastlabki maʼlumotlarga ko‘ra, avariyaga shamollatish tizimining tashqi qismida gaz va ko‘mir chiqishi sabab bo‘lgan.
