Jizzax dovonida yo‘lning muzlashi sabab avtohalokatlar sodir bo‘lmoqda
Xususan, yo‘lovchi avtobusi yuk mashinasiga urilishi oqibatida bir necha kishi tan jarohatini olgan.
Xalqaro ahamiyatdagi M-34 “Toshkent-Dushanbe” avtomobil yo‘lining Jizzax viloyatidan o‘tgan hududida yo‘lning muzlashi oqibatida bir qancha yo‘l-transport hodisalari sodir bo‘ldi.
Jizzax dovonida yo‘lovchi avtobusi yuk mashinasiga urilishi oqibatida bir necha kishi tan jarohatini olgan.
Hodisa sodir bo‘lgan joyga yaqin masofada bundan avvalroq bir “Jentra” avtomobili YTHga uchrab, yonib ketgan. Shuningdek, boshqa avariyalar sodir bo‘lgani ham aytilmoqda.
Haydovchilardan ushbu hududda ehtiyotkorlik bilan harakatlanishlarini so‘rab qolamiz.
