BMT AQSHning yangi qatl uslubiga qarshi
Bu haqda BMTning Inson huquqlari bo‘yicha boshqarmasi matbuot kotibi Ravina Shamdasani xabar berdi.
Birlashgan Millatlar Tashkilotining Inson huquqlari bo‘yicha idorasi AQSHdagi Alabama shtatinining o‘lim jazosiga hukm qilingan mahbuslarni azot gazi orqali qatl qilish qarorini qoralamoqda.
Taʼkidlanishicha, bu shaxsga nisbatan qiynoq hisoblanadi va xalqaro huquq meʼyorlarini buzadi. Shuningdek, idora yollangan qotillik uchun 25 yanvar kuni qatl etilishi rejalashtirilgan mahbusga nisbatan mazkur jazo qo‘llanilmasligini talab qilmoqda.
Bu haqda BMTning Inson huquqlari bo‘yicha boshqarmasi matbuot kotibi Ravina Shamdasani xabar berdi. Maʼlumotlarga ko‘ra, Yevropada farmatsevtika kompaniyalariga qatl qilish uchun ishlatiladigan dori-darmonlarni sotish taqiqlanganligi sababli baʼzi hududlar hukmni amalga oshirish uchun otib o‘ldirish usulidan foydalanmoqda. Alabama, Missisipi va Oklaxoma shtatlari esa azotga asoslangan qatl tizimini joriy qilgan.
