Ilk bor odamning ikki qo‘li boshqa odamga ko‘chirib o‘tkazildi
Operatsiya 12 soat davom etgan.
4 yil muqaddam avariya sabab qo‘llaridan ayrilgan hindistonlik erkakda qo‘l transplantatsiyasi muvaffaqiyatli amalga oshirildi.
Mahalliy nashrlarning yozishicha, shifokorlar ushbu bemorda qo‘l ko‘chirish operatsiyasini sinov tariqasida o‘tkazib ko‘rmoqchi bo‘lishgan. O‘limidan so‘ng donorlikka rozilik bergan bir ayolning qo‘llari unga ko‘chirilgan.
Maʼlumotlarga ko‘ra, 2020 yilning oktyabr oyida 45 yoshli Raj Kumar velosipedda Nangloy shahridagi temiryo‘l relslarini kesib o‘tayotganda boshqaruvni yo‘qotib qo‘yadi va ikkala qo‘lini poyezd bosib ketadi. Kumar protezdan foydalangan, ammo uning protez sinovi muvaffaqiyatsizlikka uchragan.
Shifokorlarning so‘zlariga ko‘ra, Raj Kumar operatsiyadan keyin olti hafta ichida tuzalib ketdi va uning hozirgi ahvoli ancha qoniqarli.
