Samarqandda instabloger samosud qilindi
Holat bo‘yicha IIB maʼlumot berdi.
Ijtimoiy tarmoqlarda Samarqandda instabloger nomaʼlum shaxslar tomonidan samosud qilingani aytilgan videolar tarqalmoqda. Holatga viloyat IIB matbuot kotibi Jahongir Sagdullayev rasmiy munosabat bildirdi.
Qayd etilishicha, videodagi holat joriy yilning 15-may kuni Samarqand shahrida sodir bo‘lgan.
Maʼlum bo‘lishicha, Oqdaryo tumanida yashovchi A.T. Samarqand shahrida ikki nafar shaxslar bilan tanishib, ulardan ish topib berishda yordam so‘ragan.
Ushbu fuqarolardan biri o‘zi ishlayotgan reklama agentligida ishchi o‘rni borligini aytganida A.T. ushbu ishga rozi bo‘lib, ulardan biridan yo‘lkiraga pul olib, uyiga ketib, ertalab aytilgan joyga ishga kelmagan.
Natijada ularning o‘rtasida o‘zaro kelishmovchilik yuzaga kelgan. Ikki nafar fuqarolar A.T. bilan uchrashib, uni haqorat qilib, buni tasvirga olishgan.
Hozirda mazkur holat yuzasidan Samarqand shahar bo‘yicha IIO FMB tomonidan tergovga qadar tekshiruv harakatlari olib borilmoqda.
