Bir yilda 10 kishi ovqatdan zaharlanib vafot etd
700 nafardan ortiq fuqaro esa bundan jabrlangan.
2023-yildan shu kungacha 10 kishi ovqatdan zaharlanib vafot etdi, yana 700 nafardan ortiq fuqaro esa jabrlandi.
Ma’lumotga ko‘ra, 2023-yilda 61 ta ovqatdan zaharlanish holatlari qayd etilgan. 507 nafar fuqaro jabrlangan. Ulardan 133 nafarini bolalar tashkil qilgan. O‘lim holatlari esa 9 tani tashkil qilgan. Bunda 7 nafar fuqaro uy sharoitida tayyorlangan konservalarni iste’mol qilish natijasida, 1 nafari esa ko‘chada o‘sgan yovvoyi qo‘ziqorinni iste’mol qilishi oqibatida o‘lim holati kuzatilgan. Yana bir nafar bola esa pestisid sepilgan mevani yeyishi sabab vafot etgan.
Shuningdek, joriy yil shu kungacha zaharlanish holatlari 23 tani tashkil qilgan. Jabrlanganlar esa 223 nafar, bulardan 49 nafari bolalardir. Bu yil ham bir fuqaro yovvoyi holda o‘sgan qo‘ziqorinni iste’mol qilishi oqibatida vafot etgan.
