O‘zbekistonda uzumning yangi navlari yetishtiriladi
Bu bo‘yicha Koreya bilan hamkorlik qilinadi.
“TNS Global Group” kompaniyasi qishloq xo‘jaligida yangi navlarni yaratish, eksportbop mahsulotlarni yetishtirish bo‘yicha texnologiyalarni ishlab chiqqan.
Qayd etilishicha, O‘simliklar karantini va himoyasi agentligida Koreya Respublikasining "TNS Global Group” kompaniyasi vakillari bilan uchrashuv o‘tkazilgan.
Muloqot davomida kompaniya vakillari O‘zbekistonga tashrif doirasida O‘zbekistonning qishloq xo‘jaligi mahsulotlarining eksport salohiyati bilan tanishganini maʼlum qildi.
“TNS Global Group” kompaniyasi – qishloq xo‘jaligida yangi navlarni yaratish, eksportbop mahsulotlarni yetishtirish bilan shug‘ullanadi. Korxona bu borada katta tajribaga ega bo‘lib, navlarni tanlashdan tortib quritishgacha bo‘lgan texnologiyani ishlab chiqqan.
