Toshkent davlat sirkida yong‘in chiqqani aytildi
Holat yuzasidan FVB maʼlumot berdi.
Qayd etilishicha, respublikada Yangi yil bayrami munosabati bilan ommaviy madaniy tadbirlar o‘tkazilayotgan maskanlarda, sodir bo‘lishi mumkun bo‘lgan favqulodda vaziyatlar va yong‘inlarni o‘z vaqtida tezkorlik bilan bartaraf etish bo‘yicha yong‘in qutqaruv ekipajlarining jangovar shayligi tekshirilmoqda.
27 dekabr kuni Toshkent davlat sirki binosiga yong‘in qutqaruv texnikalarining tezkorlik bilan aytilgan manzilga yetib kelishlari bo‘yicha jangovar shayligi tekshirilgan.
“Toshkent shahar Favqulodda vaziyatlar boshqarmasi sizlardan yong‘in xavfsizligi qoidalariga qatʼiy rioya qilishingizni so‘rab qoladi”, deyiladi xabarda.
