Toshkent shahar IIBBga rahbar tayinlandi
Ushbu lavozimga Ravshan Sultanxodjayev qo‘yildi.
Toshkent shahar Ichki ishlar bosh boshqarmasida jamoat xavfsizligini hamda kriminogen vaziyatni barqarorligini taʼminlash masalalariga oid tezkor yig‘ilish o‘tkazildi.
Yig‘ilishda Toshkent shahar IIBB boshlig‘i lavozimiga rahbar tayinlash masalasi ham ko‘rib chiqildi.
Ichki ishlar vazirining buyrug‘i bilan Toshkent shahar Ichki ishlar bosh boshqarmasi boshlig‘i lavozimiga polkovnik Sultanxodjayev Ravshan Irkinovich tayinlandi.
Maʼlumot o‘rnida, Ravshan Sultanxodjayev bungacha Xorazm viloyati IIB boshlig‘i lavozimida ishlagan.
