Saida Mirziyoyeva Qozog‘iston elchisi bilan uchrashdi
Muloqotda madaniy-gumanitar hamkorlik masalalari muhokama qilingan.
Prezident yordamchisi Saida Mirziyoyeva Qozog‘istonning O‘zbekistondagi elchisi Beybut Atamkulov bilan uchrashuv o‘tkazdi. Unda mamlakatlar o‘rtasidagi strategik sheriklik va ittifoqchilik munosabatlarini yanada mustahkamlash masalalari muhokama qilindi.
“Madaniy-gumanitar hamkorlikni muhokama qilar ekanmiz, bo‘lajak qo‘shma tadbirlar, jumladan, A. Navoiy nomidagi teatrning Ostona va Olmaota shaharlariga ijodiy safarlari, Qozog‘iston Milliy muzeyi va Abilxon Kasteev nomidagi Qozog‘iston sanʼat muzeyida ko‘rgazmalar, shuningdek, Turkistonda yoshlar forumini tashkil etish yuzasidan fikr almashdik.
Ushbu tadbirlarning yuksak saviyada o‘tkazilishi O‘zbekiston va Qozog‘iston yetakchilarining eʼtibori va qo‘llab-quvvatlashi tufayli qardosh xalqlarimiz o‘rtasida qaror topgan do‘stlikni yana-da mustahkamlashga xizmat qilishiga ishonch bildirdik”, deydi Mirziyoyeva.
