Andijondagi zapravkada 2,5 mlrd so‘mlik gaz o‘g‘irlandi
Hozirda tergovga qadar tekshiruv ishlari olib borilmoqda.
O‘tkazilgan nazorat tadbiri davomida Paxtaobod tumanida joylashgan “M.M.A.” MCHJga qarashli avtomobillarga gaz to‘ldirish kompressor shoxobchasida gaz hisoblash uskunasining impuls naychasiga tashqi taʼsir o‘tkazilgani aniqlandi.
Ushbu qoidabuzarlik natijasida dastlabki hisob-kitoblarga ko‘ra, gaz taʼminoti korxonasiga 2 mlrd 541 mln so‘mlik zarar yetkazilganligi maʼlum bo‘ldi.
Hozirda mazkur holat yuzasidan huquqni muhofaza qilish organlari tomonidan tergovga qadar tekshiruv ishlari olib borilmoqda.
