"Yil o‘qituvchisi" tanlovi: Qoraqalpog‘istonlik pedagog 50 ming dollar mukofotni qo‘lga kiritdi
Respublika bo‘yicha 208 nafar, Qoraqalpog‘istondan esa 17 nafar o‘qituvchi ushbu tanlovda g‘olib deb topildi.
Qonliko‘l tumanidagi 2-sonli maktab o‘qituvchisi Nigora Allambergenova yaratib berilayotgan imkoniyatlar natijasida bugungi kunda u "Yil o‘qituvchisi" tanlovida g‘olib bo‘lganini hamda 50 ming dollar bilan mukofotlanganini bildirdi. Bu haqda Prezident Shavkat Mirziyoyevning Qoraqalpog‘istonga tashrifi davomida ma’lum qilingan.
Ma’lumot o‘rnida, Respublika bo‘yicha 208 nafar, Qoraqalpog‘istondan esa 17 nafar o‘qituvchi ushbu tanlovda g‘olib deb topildi.
Pedagog, shuningdek, Qonliko‘l tumanida 2019 yildan buyon texnikum binosida faoliyat olib borgan 1-sonli maktab Prezident topshirig‘i bilan bu yil qayta qurib berilganini qayd etgan.
Yangi maktablar, yangi imkoniyatlar va ustoz-murabbiylarni qo‘llab-quvvatlash — ta’lim sohasidagi islohotlarning amaliy natijasini belgilamoqda.
Qoraqalpog‘istonlik o‘qituvchi Nigora Allambergenovaning “Yil o‘qituvchisi” tanlovida g‘olib bo‘lishi bu imkoniyatlar pedagoglarning o‘z salohiyatini namoyon etishiga xizmat qilayotganini ko‘rsatadi.
