5 milliard so‘mlik zarar: xalqaro qidiruvdagi shaxs Turkiyada qo‘lga olindi
Mazkur shaxs ajratilgan kredit mablag‘larini o‘zlashtirish va rastrata qilish yo‘li bilan talon-toroj qilganlikda gumon qilinmoqda.
O‘zbekiston va Turkiya huquqni muhofaza qiluvchi organlarining hamkorligi natijasida xalqaro qidiruvda bo‘lgan S.A. Turkiya hududida aniqlanib, qo‘lga olindi va O‘zbekistonga olib kelindi. Bu haqda Istanbul shahridagi Bosh konsulxona xabar berdi.
S.A. ajratilgan kredit mablag‘larini o‘zlashtirish va rastrata qilish yo‘li bilan talon-toroj qilganlikda gumon qilinmoqda. Tergov ma’lumotlariga ko‘ra, uning harakatlari oqibatida davlat budjetiga 5 milliard so‘m miqdorida zarar yetkazilgan.
Mazkur shaxs O‘zbekiston Respublikasi Jinoyat kodeksining 167-moddasi 3-qismi bilan xalqaro qidiruvga berilgan.
S.A. tegishli tergov va protsessual harakatlarni davom ettirish uchun O‘zbekistonning vakolatli organlariga topshirildi.
Tomonlarning huquqni muhofaza qiluvchi organlari o‘rtasidagi hamkorlik xalqaro qidiruvda bo‘lgan shaxslarni aniqlash va ularni javobgarlikka tortish yo‘nalishida davom ettirilmoqda.
