«Chiqarilgan hukmdan ozgina noroziman»: tayinlangan jazo yuzasidan sud munosabat bildirdi
Toshkent shahar sudi YPX inspektori o‘limiga sababchi bo‘lgan sudlanuvchiga 2,4 yillik jazo berilgani yuzasidan izoh berdi.
Marhum YPX xodimi Hosilbek Eshnazarovga oid jinoyat ishi bo‘yicha sud hukmi yuzasidan uning otasi chiqarilgan sud hukmidan qisman norozi ekanini ma’lum qildi.
Ijtimoiy tarmoqlarda D.Turg‘unovga nisbatan tayinlangan 2,4 yillik jazo muddati kamligi haqida turli fikrlar ham bildirilmoqda.
Muhokamalar yuzasidan Toshkent shahar sudi bayonot berdi. Sud matbuot xizmatining ma’lum qilishicha, Turg‘unovga jazo tayinlashda uning maktab o‘quvchisi ekani, jinoyat sodir etilgan paytda hali 16 yoshga to‘lmagani, shuningdek, axloqan tuzatish, qayta tarbiyalash va yangi jinoyatlar sodir etilishining oldini olish kabi omillar ham inobatga olingan.
