Toshkentda 11 yoshli qiz tok urib vafot etdi
Holat yuzasidan shahar IIBB maʼlumot berdi.
Ijtimoiy tarmoqlarda Toshkent shahrining Mirobod tumanida 11 yoshli qiz tok urishi natijasida vafot etgani haqidagi xabarlar tarqalib, turli muhokamalarga sabab bo‘lmoqda. Mazkur holat shahar IIBB rasmiy munosabat bildirdi.
Qayd etilishicha, 30 may kuni soat 18:00 da Mirobod tumani Amir Temur ko‘chasidagi savdo do‘konlaridan birining tom qismiga 2014 yilda tug‘ilgan N.A. ukasining o‘yinchog‘ini olib tushish uchun narvon yordamida chiqqan. Qaytib tushayotgan vaqtida tom qismiga yaqin joydan o‘tuvchi elektr tokini ushlab olgan va tok urishi natijasida voqea joyida vafot etgan.
Mazkur holat yuzasidan Jinoyat kodeksining 257-moddasi 2-qismi “a” bandi (“Mehnatni muhofaza qilish qoidalarini buzish, odam o‘lishiga sabab bo‘lsa”) bilan jinoyat ishi qo‘zg‘atilgan. Tergov harakatlari davom etmoqda.
