Isroildagi o‘zbekistonliklar uchun Toshkentga charter parvoz tashkil etildi
Akabadan charter reys bugun, 24-iyun kuni amalga oshiriladi.
O‘zbekistonlik fuqarolarni olib kelish uchun Iordaniyadan Toshkentga charter reys amalga oshiriladi.
24-iyun kuni Iordaniyaning Akaba shahridan Toshkentga maxsus charter reysi tashkil etiladi. Bu parvoz Isroilda bo‘lgan o‘zbekistonlik fuqarolarni vatanga qaytarish maqsadida amalga oshirilmoqda. Bu haqda Isroilning O'zbekistondagi elchixonasi xabar berdi.
Elchixonaning xabariga ko‘ra, “Fly Khiva” aviakompaniyasining FKH9902 raqamli charter reysi 24-iyun kuni mahalliy vaqt bilan soat 19:10 da Akabadan havoga ko‘tariladi va Toshkentga 25-iyun kuni soat 02:40 da yetib keladi.
Elchixona fuqarolarga chegaradan o‘tishda xorijga chiqish uchun amaldagi pasport hamda boshqa zarur hujjatlar bo‘lishi shartligini eslatmoqda.
Shuningdek, aviabilet xaridi, Iordaniya vizasini rasmiylashtirish, shuningdek, Tel-Avivdan Iordaniya chegarasigacha bo‘lgan transfer xizmati yuzasidan +972 53-556-5254 raqami orqali (WhatsApp orqali ham) murojaat qilish mumkin.
Elchixona parvoz vaqti aviakompaniya yoki mahalliy hokimiyat ko‘rsatmalariga ko‘ra o‘zgarishi mumkinligini ham alohida ta’kidladi.
