AQSH vizaga ariza topshirgan o‘zbekistonliklarning 64 foiziga rad javob berdi

2024-yilda AQSH tomonidan O‘zbekiston fuqarolarining B1/B2 vizalariga topshirgan arizalarining 64,41 foizi rad etilgan, bu esa mintaqadagi eng yuqori ko‘rsatkichlardan biridir. Bu haqda AQSH Davlat departamenti tomonidan e’lon qilingan hisobotda keltirilgan. Bu holat ko‘plab yurtdoshlar uchun muhim masalaga aylangan va savollar uyg‘otgan. 

 

2023-yilga nisbatan bu ko‘rsatkich 4,85 foizga oshgan (2023-yilda 59,56% edi). Bu tendensiya AQSHning O‘zbekistonga nisbatan vizaviy siyosati keskinroq bo‘lib borayotganini anglatadi.

 

Markaziy Osiyo davlatlari orasida rad etilish darajasi quyidagicha:

 

Qozog‘iston – 46,29%

 

Tojikiston – 45,24%

 

Qirg‘iziston – 39,14%

 

Turkmaniston – 58,80%

 

Bu raqamlar O‘zbekiston fuqarolarining vizaga bo‘lgan talablarida noto‘g‘ri to‘ldirish, hujjat yetishmovchiligi, yoki niyatga ishonchsizlik kabi omillar borligini ko‘rsatadi.

 

Laos (82,84%), Somali (77%), Mavritaniya (70,07%) kabi davlatlar eng yuqori rad javobi olingan davlatlar sirasiga kirgan. Shu bilan birga, Fransiya (8,50%), Yaponiya (5,76%) va Birlashgan Arab Amirliklari (1,46%) kabi davlatlardan ariza topshiruvchilarga nisbatan viza berilish ehtimoli juda yuqori.

 

Rossiyada rad etish darajasi 38,56%, Belarusda 28,79%, Ozarbayjonda esa atigi 21,46% bo‘lgan. O‘zbekiston ko‘rsatkichi bu davlatlarga qaraganda ancha yuqori.

 

AQSH vizasini olishda rad etilishga quyidagi sabablar ta’sir qilishi mumkin:

 

Viza suhbatida ishonsiz bayonotlar;

 

Moliyaviy hujjatlarning yetarli emasligi;

 

AQSHda qolib ketish ehtimolining yuqoriligi;

 

Arizani noto‘g‘ri to‘ldirish yoki yolg‘on ma’lumotlar.

 

Endilikda F, M yoki J toifadagi vizalarga topshirganlar ijtimoiy tarmoq akkauntlarini ommaviy qilishlari talab etiladi. Bu talab 2025-yil 21-iyundan kuchga kirgan va vizani olishda qo‘shimcha shaffoflikni ta’minlash maqsadida kiritilgan.