1-iyuldan kuchga kiradigan asosiy normativ o‘zgarishlar

2025-yil 1-iyuldan boshlab O‘zbekiston Respublikasida fuqarolarning ijtimoiy himoyasi, tadbirkorlik faoliyatini rag‘batlantirish, qurilish va energetika sohasini tartibga solish bo‘yicha bir qator muhim o‘zgarishlar kuchga kiradi. Quyida eng asosiy yangiliklar bilan tanishing:

 

Ijtimoiy nafaqalar va pensiyalar oshiriladi

 

Pensiya va nafaqalar miqdori 10 foizga ko‘paytiriladi.

 

Ish stajiga ega bo‘lmagan fuqarolar, mehnatga layoqatsizlar, bolalikdan nogironligi bo‘lgan shaxslar hamda kam ta’minlangan oilalarning bolalari uchun to‘lanadigan yordam puli miqdorlari belgilab berildi.

 

Nogironligi bo‘lgan shaxslarga to‘lovlar endilikda avtomatik tayinlanadi.

 

Tadbirkorlik faoliyatini qo‘llab-quvvatlash

 

Ziplayn va tayparklar tashkil etishga 100 million so‘mgacha subsidiyalar ajratiladi.

 

Bolalar uchun kontent yaratadigan kompaniyalar soliq imtiyozlaridan foydalanadi.

 

Davlat xizmatlarining 11 turi xususiy sektorga o‘tkaziladi.

 

Qurilish sohasida yangi tartiblar joriy qilinadi

 

Eskrou hisob tizimi bosqichma-bosqich tatbiq etiladi: 2026-yildan yagona moliyalashtirish yo‘li sifatida.

 

Ulushdorlarning manfaatini himoya qiluvchi “Yagona hayotiy sikl” tamoyili amaliyotga joriy etiladi.

 

Quruvchilar faoliyati ochiqligi ta’minlanadi: elektron platforma orqali loyihalar haqida to‘liq ma’lumotlar taqdim etiladi.

 

Energetika samaradorligi va ekologik tashabbuslar:

 

Quyosh panellari, issiqlik nasoslari va boshqa energiya tejamkor uskunalar uchun subsidiyalar ajratiladi.

 

“Yashil ta’mirlash” loyihalari uchun kredit foizlari qisman qoplab beriladi.

 

Raqamlashtirish va elektron tizimlar:

 

My.gov.uz portalida taqdim etilgan elektron hujjatlar rasmiy maqomga ega bo‘ladi.

 

Elektron to‘lov tizimlariga ulanganlik majburiyati kengaytiriladi.

 

Savdo va eksport tartibotlarida o‘zgarishlar:

 

Elektron savdo platformalari qonuniy faoliyat yuritishi uchun O‘zbekiston hududida ro‘yxatdan o‘tishi shart.

 

86 turdagi mahsulotlarga eksport bojlarining yangi stavkalari joriy etiladi.

 

Tibbiyot va ijtimoiy sohada qo‘shimcha chora-tadbirlar:

 

Davolashning og‘ir va murakkab shakllari bo‘yicha faoliyat yuritgan shifokorlarga ustama to‘lanadi.

 

Imkoniyati cheklangan shaxslar uchun proaktiv kompensatsiya tizimi kengaytiriladi.

 

Yangi sharoitlar va imtiyozlar:

 

Mebel ishlab chiqarish endi uy sharoitida ham amalga oshirilishi mumkin.

 

Dori vositalarining chakana savdosi faqat ruxsat etilgan importchilar va ularning dilerlari tomonidan amalga oshiriladi.

 

Chegaradan o‘tuvchi transport vositalari uchun fuqarolik javobgarligini sug‘urtalash joriy etiladi.