Farg‘onada salkam 8 mln so‘mlik dori yoqib yuborildi
Ular noqonuniy savdodan olingani aniqlangan.
Farg‘ona viloyatida salkam 8 mln so‘mlik noqonuniy dori-darmonlar yoqib yo‘q qilindi. Bu haqida Majburiy ijro byurosi xabar bermoqda.
Qayd etilishicha, Yozyovon tuman Majburiy ijro byurosiga Jinoyat ishlari bo‘yicha Qo‘shtepa tuman sudining hukmi asosida ijro varaqasi kelib tushgan. Unda qarzdor M.Q.dan daliliy ashyo sifatida olingan jami 7 million 809 ming so‘mlik 182 turdagi tibbiy dori-darmonlarni yo‘q qilish ko‘rsatilgan.
Majburiy ijro byurosi xodimlari tomonidan ijro ishi tezkorlik bilan qo‘zg‘atilib, Vazirlar Mahkamasining qarori talablariga muvofiq, barcha dori-darmonlar tegishli tartibda yoqib yuborilgan. Bu harakat noqonuniy savdodan olingan dori-darmonlarning aholi salomatligi uchun xavf tug‘dirmasligini taʼminlash maqsadida amalga oshirilgan.
