Toshkentda issiqlik rekordi yangilandi
Avvalgi yillarda bu darajadagi issiqlik hech qachon kuzatilmagani aytilmoqda.
Kecha, 4-iyul kuni, Toshkent shahrida harorat +43.5 darajagacha ko‘tarilib, tarixiy rekord o‘rnatildi. Bu haqda O‘zgidromet xabar berdi.
"To‘shkent-Observatoriya" meteorologiya stansiyasining ma’lumotiga ko‘ra, bu qiymat poytaxtda shu sana uchun kuzatilgan eng yuqori harorat sifatida qayd etildi.
Avvalgi yillarda 4-iyul sanasida bu darajadagi issiqlik hech qachon kuzatilmagan. Mutaxassislar bu holatni global iqlim o‘zgarishlari bilan bog‘lamoqda.
Shuningdek, aholiga salomatlikka e’tiborli bo‘lish, ko‘proq suyuqlik ichish va to‘g‘ridan-to‘g‘ri quyosh ostida uzoq vaqt qolmaslik tavsiya etilmoqda.
