Toshkentda nomdor “semechka” korxonasi yonib ketdi
Yong‘inni o‘chirishga 12 ta qutqaruv ekipaji jalb etildi.
Bugun, 11-iyul kuni soat 03:17 da Toshkent shahar FVBga, Olmazor tumani "Usta shirin" ko‘chasidagi pista ishlab chiqarish korxonalarining birida yong‘in chiqgan. Zamon.uzga ma'lum bo'lishicha, yong'in Ermak “semechka” korxonasida sodir bo'lgan.
Mazkur xabarga asosan, yong‘in qutqaruv ekipajlari voqea joyiga soat 03:22 da yetib borib, yong‘in soat 04:06 da o‘rab olingan ва soat 04:14 da to‘liq o‘chirilgan.
Yong‘inni bartaraf etishga 12 ta yong‘in-qutqaruv ekipajlari ва 2 ta yordamchi texnika jalb qilingan.
Hozirgi vaqtga ko‘ra tan jarohati olganlar to‘g‘risida ma‘lumot kelib tushmagan.
Hozirda yong‘in sababi ва zarari aniqlanmoqda.
