Farg‘onada “Lacetti” haydovchisi tanishini qasddan bosib ketdi
Aybdor shaxs qo‘lga olingan, tergov harakatlari olib borilmoqda.
10-iyul kuni Farg‘ona viloyatining Farg‘ona shahri “O‘zbek Ovozi” ko‘chasida ikki tanish o‘rtasida kelib chiqqan janjal og‘ir oqibatlarga sabab bo'ldi. Bu haqda viloyat IIB matbuot xizmati ma’lum qildi.
Nizo davomida ulardan biri "Lacetti" rusumli avtomobilga o‘tirib, tanishini ataylab urib ketgan. Natijada jabrlanuvchi og‘ir tan jarohatlari olib, shifoxonada vafot etgan.
Holat yuzasidan Jinoyat kodeksining 104-moddasi 3-qismi (qasddan badanga og‘ir shikast yetkazish oqibatida o‘limga sabab bo‘lish) bilan jinoyat ishi qo‘zg‘atildi. Ayblanuvchi qo‘lga olingan va ayni paytda tergov harakatlari olib borilmoqda.
