O‘zbekiston terma jamoasi 43-Bolqon matematika olimpiadasida tarixiy natijani qayd etdi
Jamoa a’zolari 5 ta oltin medalni qo‘lga kiritdi.
Gretsiyada o‘tkazilgan 43-Bolqon matematika olimpiadasi (BMO) yakunlariga ko‘ra, O‘zbekiston terma jamoasi tarixiy natijani qayd etdi — jamoa a’zolari 5 ta oltin medalni qo‘lga kiritdi.
Oltin medal sohiblari quyidagilar:
- Azizbek Mamajonov — Al-Xorazmiy nomidagi ixtisoslashtirilgan maktabning Guliston filiali o‘quvchisi
- Umarbek Ubaydullayev — Sergeli tumanidagi ixtisoslashtirilgan maktab o‘quvchisi
- Javohir Anvarov — Termiz shahridagi 14-sonli maktab o‘quvchisi
- Elshod O‘ralov — Termiz shahridagi 14-sonli maktab o‘quvchisi
- Elbek Zohidjonov — Al-Xorazmiy nomidagi ixtisoslashtirilgan maktab o‘quvchisi
Qayd etilishicha, mazkur natija O‘zbekiston terma jamoasi uchun Bolqon matematika olimpiadalari tarixidagi eng yuqori ko‘rsatkichlardan biri bo‘ldi.
Ma’lumot uchun, 2025-yilda Bosniya va Gersogovinada o‘tkazilgan 42-Bolqon matematika olimpiadasida O‘zbekiston jamoasi 1 ta oltin va 4 ta kumush medalni qo‘lga kiritgan.
