Saida Mirziyoyeva YXHT bosh kotibi Feridun Sinirlio‘g‘lu bilan uchrashdi
Uchrashuvda Transmilliy tahdidlar va sun’iy intellekt masalalariga alohida e’tibor qaratildi.
Vena shahrida Prezidenti Administratsiyasi rahbari Saida Mirziyoyeva va Feridun Sinirlioğlu o‘rtasida uchrashuv bo‘lib o‘tdi.
Muloqot avvalida YXHT bosh kotibi YXHT O‘zbekiston tomonidan ilgari surilayotgan tashabbuslarni qo‘llab-quvvatlashga tayyor ekanini ta’kidladi.
Uchrashuv davomida tomonlar mintaqaviy va xalqaro ahamiyatga ega qator dolzarb masalalar yuzasidan fikr almashdilar. Xususan, transmilliy tahdidlarga qarshi kurashish, raqamli texnologiyalar va sun’iy intellekt sohasidagi hamkorlik, yoshlar manfaatlarini himoya qilish, gender tengligini ta’minlash hamda sud-huquq tizimini takomillashtirish masalalari muhokama markazida bo‘ldi.
Tomonlar mazkur yo‘nalishlarda amaliy hamkorlikni kengaytirish, tajriba almashish va qo‘shma tashabbuslarni ilgari surish muhim ekanini qayd etdilar.
