Saida Mirziyoyeva MAGATE bosh direktori Rafael Grossi bilan uchrashdi
Rafael Grossi Jizzaxdagi AES qurilishi boshlanishi marosimida ishtirok etish uchun O‘zbekistonga keldi.
Saida Mirziyoyeva MAGATE (Xalqaro atom energiyasi agentligi) bosh direktori Rafael Grossi bilan uchrashuv o‘tkazdi. Oliy martabali mehmon Jizzax viloyatida atom elektr stansiyasi qurilishi boshlanishi marosimida ishtirok etish uchun O‘zbekistonga tashrif buyurgan.
Uchrashuv davomida O‘zbekiston va MAGATE o‘rtasidagi hamkorlikning ustuvor yo‘nalishlari muhokama qilingan. Xususan, milliy yadroviy energetika infratuzilmasini rivojlantirish, yadroviy tibbiyot sohasini kengaytirish hamda ushbu yo‘nalishlar uchun malakali kadrlar tayyorlash masalalariga alohida e’tibor qaratilgan.
