Toshkentda sovuq suv ham o'chiriladi: sanalar ma'lum qilindi
Kuz-qish mavsumiga tayyorgarlik doirasida suv tarmoqlarida rejali profilaktika-ta’mirlash ishlari olib boriladi.
2026-yilgi kuz-qish mavsumiga tayyorgarlik doirasida Toshkent shahridagi yirik suv o‘tkazgich tarmoqlarida rejali profilaktika-ta’mirlash ishlari olib boriladi.
Ma’lum qilinishicha, ishlar Yevropa tiklanish va taraqqiyot banki ishtirokidagi «Toshkent shahrida suv quvurlari va kanalizatsiya tizimlarini modernizatsiya qilish» loyihasi doirasida hamda Vazirlar Mahkamasining 2020-yil 27-yanvardagi 38-son qarori ijrosini ta’minlash maqsadida amalga oshiriladi.
Shu sababli ta’mirlash ishlari olib borilayotgan ayrim hududlarda ichimlik suvi bosimi vaqtincha pasayishi yoki suv ta’minoti to‘xtatilishi mumkin.
Suv ta’minoti cheklanishi kutilayotgan manzillar va sanalar bilan quyidagi havola orqali tanishish mumkin:
Manzillar va o'chirish sanalari
Ta’minot vaqtincha to‘xtatilgan manzillarga maxsus texnikalar orqali ichimlik suvi yetkazib berilishi ta’minlanadi.
