Davlat xavfsizlik xizmati hamda Ichki ishlar vazirligi xodimlari hamkorligida odam savdosiga qarshi kurashish yo‘nalishida tezkor tadbir o‘tkazildi.
Tadbir davomida poytaxtda istiqomat qiluvchi, 1998-yilda tug‘ilgan S.N. ikki nafar fuqaroni Tailand davlatiga fohishalik bilan shug‘ullanish maqsadida yuborayotgan vaqtida Toshkent xalqaro aeroportida qo‘lga olindi.
Shuningdek, ushbu jinoiy harakat Tailand davlatida bo‘lib turgan, 2005-yilda tug‘ilgan F.A. tomonidan tashkil etilgani aniqlangan.
Hozirda mazkur shaxslarga nisbatan O‘zbekiston Respublikasi Jinoyat kodeksining 135-moddasi 2-qismi “b”, “g”, “e”, “z” bandlari bilan jinoyat ishi qo‘zg‘atilib, tergov harakatlari olib borilmoqda.