Toshkent shahrida atmosfera havosi sifatini yaxshilashga qaratilgan kechiktirib bo‘lmas chora-tadbirlar dasturiga muvofiq, 2028 yildan boshlab “Yevro-4” standartidan (AI-80) past bo‘lgan avtomobil yonilg‘isidan foydalanish taqiqlanadi.
Bu haqida chang bo‘ronlariga qarshi kurashish va havo sifatini yaxshilash bo‘yicha birinchi navbatdagi chora-tadbirlar to‘g‘risidagi prezident qarorida keltirib o‘tilgan.
Shuningdek, qaror bilan 2025−2027 yillarda “Yevro-4”dan past standartdagi yoqilg‘i importini bosqichma-bosqich taqiqlash va mamlakatdagi korxonalarni modernizatsiya qilish rejalashtirilgan.