Bryusselda Yevropa kengashi raisi Sharl Mishel vositachiligida Ozarbayjon prezidenti Ilhom Aliyev va Armaniston bosh vaziri Nikol Pashinyan o‘rtasida uchrashuv boshlandi.
Uchrashuv bosh qarorgohda bo‘lib o‘tmoqda. Tomonlar tinchlik bitimi loyihasini, Ozarbayjon va Armaniston munosabatlarini normallashtirishni muhokama qiladi.
Bundan tashqari, Bryussel uchrashuvidan keyin Pashinyan va Aliyev 1 iyun kuni Kishinyovda Yevropa siyosiy hamjamiyatining sammiti doirasida uchrashishi mumkin. Bu yig‘ilishda Fransiya prezidenti, Germaniya kansleri va Yevropa kengashi rahbari ishtirok etadi.
Shuningdek, Armaniston va Ozarbayjon tashqi ishlar vazirlari Ararat Mirzoyan va Jeyhun Bayramov 19 may kuni Moskvada uchrashishi xabar qilingandi.