Amazon kompaniyasi Xitoy, Vetnam va Tailand kabi mamlakatlardan mahsulot xarid qilish bo‘yicha bergan bir nechta buyurtmalarni bekor qildi. Xabarlarga ko‘ra, bu qaror AQSh prezidenti Donald Tramp tomonidan 2-aprel kuni e’lon qilingan yangi import bojlari bilan bog‘liq.
Mazkur bojlar dunyoning 180 dan ortiq mamlakat va hududlaridan AQShga olib kiriladigan mahsulotlarga taalluqli bo‘lib, ular quyosh kreslolari, skuterlar, konditsionerlar kabi turli tovarlarni ham qamrab oladi. Amazonning bu harakati aynan shu bojlar sabab amalga oshirilgani tahmin qilinmoqda.
2024-yilning fevral oyidagi moliyaviy hisobotida Amazon savdo nizolari va tariflar kompaniya faoliyatiga xavf solayotganini bildirgan edi. “Xitoylik yetkazib beruvchilar bizning asosiy hamkorlarimizdan biri bo‘lib qolmoqda”, — deyiladi hisobotda.
8-aprel kuni Robert W. Baird & Co. Inc. tahlilchilari Amazonning 2025-yilgi daromad prognozini kamaytirdi. Shuningdek, kompaniya aksiyalarining qiymati yil boshidan buyon 21,7 foizga tushgan.