Ijtimoiy tarmoqda Andijon shahridagi yo‘ldan o‘tgan ko‘prikka yuk mashinasi kelib urilgani aks etgan video tarqaldi.
Aniqlanishicha, bugun, 5 avgust kuni 04:00 larda 22 yoshli haydovchi “HOWO” rusumli yuk avtomashinasini Andijon tumani “Sanoat” mahallasi hududidan o‘tgan yo‘lda boshqarib ketayotib, uxlab qolishi oqibatida boshqaruvni yo‘qotgan va temir yo‘l ko‘prigiga borib urilgan.
YTH oqibatida NOWO rusumli yuk avtomashinasi hamda temir yo‘l ko‘prigi zararlangan, tan jarohati olgan fuqarolar yo‘q.
Hozirda mazkur holat yuzasidan dastlabki surishtiruv ishlari olib borilmoqda.