Андижонда ҳайдовчи ухлаб қолиб, аварияга учради
Оқибатда юк машинаси темирйўл кўпригига урилган.
Ижтимоий тармоқда Андижон шаҳридаги йўлдан ўтган кўприкка юк машинаси келиб урилгани акс этган видео тарқалди.
Аниқланишича, бугун, 5 август куни 04:00 ларда 22 ёшли ҳайдовчи “HОWO” русумли юк автомашинасини Андижон тумани “Саноат” маҳалласи ҳудудидан ўтган йўлда бошқариб кетаётиб, ухлаб қолиши оқибатида бошқарувни йўқотган ва темир йўл кўпригига бориб урилган.
ЙТҲ оқибатида НОWO русумли юк автомашинаси ҳамда темир йўл кўприги зарарланган, тан жароҳати олган фуқаролар йўқ.
Ҳозирда мазкур ҳолат юзасидан дастлабки суриштирув ишлари олиб борилмоқда.
