Kecha, 25-sentyabr kuni Andijon viloyatining Andijon shahrida Nexia haydovchisi maktab o‘quvchisini urib yubordi. Bu haqida viloyat IIB YHXB maʼlum qildi.
Qayd etilishicha, hodisa soat 15:35 larda Andijon shahar “Bog‘ishamol” MFY hududidan o‘tgan A-373 xalqaro ahamiyatga ega avtomobil yo‘lida yuz bergan. 1993 yilda tug‘ilgan haydovchi N.D. o‘zining “Nexia -2” rusumli transport vositasini boshqarib ketayotib, tartibga solinmagan piyodalar o‘tish joyidan yo‘lni kesib o‘tayotgan piyoda — 2015 yilda tug‘ilgan I.D.ni urib yuborib, yo‘l-transport hodisasi sodir etgan.
Ushbu YTH oqibatida piyoda yengil tan jarohati olib RSHTTYOIAM shifoxonasiga murojaat qilgan.
Mazkur holat yuzasidan hozirda Andijon tumani IIB YHXG xodimlari tomonidan surishtiruv ishlari olib borilmoqda.