Кеча, 25 сентябрь куни Андижон вилоятининг Андижон шаҳрида Nexia ҳайдовчиси мактаб ўқувчисини уриб юборди. Бу ҳақида вилоят ИИБ ЙҲХБ маълум қилди.
Қайд этилишича, ҳодиса соат 15:35 ларда Андижон шаҳар “Боғишамол” МФЙ ҳудудидан ўтган А-373 халқаро аҳамиятга эга автомобиль йўлида юз берган. 1993 йилда туғилган ҳайдовчи Н.Д. ўзининг “Nexia -2” русумли транспорт воситасини бошқариб кетаётиб, тартибга солинмаган пиёдалар ўтиш жойидан йўлни кесиб ўтаётган пиёда — 2015 йилда туғилган И.Д.ни уриб юбориб, йўл-транспорт ҳодисаси содир этган.
Ушбу ЙТҲ оқибатида пиёда енгил тан жароҳати олиб РШТТЁИАМ шифохонасига мурожаат қилган.
Мазкур ҳолат юзасидан ҳозирда Андижон тумани ИИБ ЙҲХГ ходимлари томонидан суриштирув ишлари олиб борилмоқда.